"Yox" deyə bilmirəm

Niyə heçkəsə yox deyə bilmirəm?
Yox deyə bilməməyin altında yatan səbəblər hansılardır?
Bu durumun altında yatan səbəblərin böyük əksəriyyəti uşaqlıq dövründə alınan TRAVMA'lar ilə əlaqəlidir:
1. Sevilməmək qorxusu
2. Yalnız qalmaq, təcrid olunmaq qorxusu
3. Cəzalandırılma qorxusu
4. Mənfi reaksiya, tənqid olunmaq qorxusu
5. Təsdiq və qəbul ehtiyacı
6. Hədsiz məsuliyyət hissi
7. Konfliktə girməkdən qaçınma

"Yox" demək bəzən çətin ola bilər, bunu özündə inkişaf etdirməyin bəzi yollarını nəzərdən keçirək:

•  Ehtiyaclarını təyin edə və hansı istəkləri qəbul edə biləcəyinə qərar verə bilərsən.
•  Birbaşa və aydın danışa bilərsən. Məsələn, "Xeyr, bacarmıram" və ya "Bu mənə uyğun deyil" kimi ifadələrdən istifadə edə bilərsən
•  İstəklərə qarşı mehriban ola, amma yenə də "yox" deməyə davam edə bilərsən. Məsələn, "Mən bunun mənim üçün nə qədər vacib olduğunu başa düşürəm, amma bu dəfə kömək edə bilmərəm."
•  Özünə bir az vaxt verib, dərhal cavab verməyə bilərsən. İstəkləri nəzərdən keçirə və sonra cavab verə bilərsən.
•  Yox deməyin səbəblərini izah edə bilərsən. İstəkləri qəbul etməməyin səbəblərini izah etmək insanların səni daha yaxşı başa düşməsinə kömək edə bilər.
• Özünə inamlı və qətiyyətli ola və ilk olaraq yaxınındakı insanlara "yox" deyərək sınaqdan keçirə bilərsən.

Psixoloq Sevil Bağırova