Orgazm disfunksiyası

Orgazm disfunksiyası, şəxsin orqazma çatmaqda çətinlik çəkdiyi bir vəziyyətdir. Bu çətinlik hətta cinsi əlaqədə olduqda və kifayət qədər cinsi stimul olduqda baş verir.
Orqazmlar, cinsi oyanmanın ən yüksək nöqtəsində meydana gəlir və çanaq dibinin qeyri-iradi büzülmələridir.

Orgazm disfunksiyası həm kişilərdə, həm də qadınlarda baş verə bilər, lakin qadınlarda daha çox rast gəlinir.
Qadınlar fiziki, emosional və ya psixoloji faktorlara görə orqazma çatmaqda çətinlik çəkə bilərlər.

• yaş faktoru (yaşın çox olması). 45 yaşdan yuxarı qadınlarda bu yaşdan kiçik qadınlara nisbətən orqazm problemi daha çox olur. Bunun səbəbi menopozla əlaqəli hormonal dəyişikliklər və vaginal dəyişikliklər ola bilər.
• müəyyən dərmanların, xüsusən depressiya üçün (SSRI) istifadəsi
• mədəni və ya dini inanclar. Qadının mədəni və ya dini inancları faktor ola bilər. Məsələn, şəxs bir qadının cinsi əlaqə axtarmamalı və ya həzz almamalı olduğu inamı ilə böyümüş ola bilər və nəticədə cinsi əlaqədən həzz almaqdan utanar və ya günahkar hiss edə bilər.
• cinsi fəaliyyətdən həzz almaqda günahkarlıq
•  cinsi istismar keçmişi
•  depressiya və ya təşviş kimi psixi pozuntular
•  stress
•  zəif özünə hörmət
•  həll edilməmiş münaqişələr və ya etibarsızlıq kimi münasibət problemləri. Münasibətdəki problemlər, o cümlədən qəzəb və inamsızlıq, ünsiyyət problemləri və ya digər cinsi problemlər cinsi həzz və orqazma mane ola bilər.

Bəzən bu amillərin birləşməsi orqazm əldə etməyi çətinləşdirə bilər. Orgazm ola bilməmək sıxıntıya səbəb ola bilər ki, bu da gələcəkdə orqazm əldə etməyi daha da çətinləşdirə bilər.

Müalicə problemin səbəbindən asılı olur. Psixoloji və ya münasibət faktorları səbəb olduqda, psixoterapiya əsas müalicə üsulu ola bilər. Cinsi terapiyası şəxsə öz bədənini daha yaxşı başa düşməyi və nəyin ona həzz verdiyini müəyyənləşdirməyi öyrədə bilər. Cütlük terapiyası cütlüklərə ünsiyyət bacarıqlarını inkişaf etdirməyə və inam və yaxınlıq ilə yarana biləcək hər hansı münaqişələri həll etməyə kömək edə bilər.

Psixoloq Firuzə Qənizadə