Borderline şəxsiyyət pozuntusu

Müəllif ( Firuzə Qənizadə ) - 23 May 2022 1161 0 şərhlər
Borderline şəxsiyyət pozuntusu

Borderline şəxsiyyət pozuntusu, təkcə qeyri-sabit duyğulara və ya münasibətlərə görə deyil, həm də insanın kim olduğuna dair tərəddüd hissinə səbəb olur. İnsanda öz imici, məqsədləri və hətta bəyəndikləri və bəyənmədikləri haqqında tez-tez çaşqınlıq və anlaşılmazlıq hissi yarada bilər.

 BŞP olan insanlar son dərəcə həssas olurlar. Kiçik məsələlər güclü reaksiyalara səbəb ola bilər. Və əsəbləşəndə, sakitləşməkdə çətinlik çəkirlər. Bu emosional dəyişkənlik və özünü sakitləşdirə bilməmək münasibətlərin pozulmasına və impulsiv, ehtiyatsız davranışlara səbəb olur.

 Borderline şəxsiyyət pozğunluğu genetik və ya daxili bioloji amillərin və uşaqlıqda travmatik təcrübələr kimi xarici ətraf mühit amillərinin birləşməsindən qaynaqlanır.

Borderline şəxsiyyət pozuntusunun əlamətləri:

  • Tərk edilmək qorxusu, hətta real və ya xəyali ayrılığın qarşısını almaq üçün həddindən artıq tədbirlər görmək
  • Qeyri-sabit münasibətlər. Bir anlığa kimisə ideallaşdırmaq və sonra birdən o insanın qəddar olduğuna inanmaq
  • Bir neçə günə qədər davam edən geniş yayılmış əhval dəyişikliyi, bunlara sıx xoşbəxtlik, əsəbilik, utanma və ya narahatlıq daxil ola bilər
  • Stress zamanı paranoya və irrasional düşüncələr

İmpulsiv davranışlar:

  • Özünə zərər vermə
  • İntihara cəhd
  • Alkoqol
  • Psixoaktiv maddə istifadəsi
  • Qumar aslılığı


 Borderline şəxsiyyət pozuntusunun müalicə üsullarına psixoterapiya və dərman müalicəsi daxildir.

 

Psixoloq Firuzə Qənizadə

Şərh yaz

Xəbərdarlıq: Şərh adı 3 və 25 simvol arasında olmalıdır!
Xəbərdarlıq: E-poçt ünvanı etibarsızdır!
Xəbərdarlıq: Şərh mətni 25 ilə 1000 simvol arasında olmalıdır!